Fanm ! Peyi ! Mwen !

San fanm anyen pa enpotan nan lavi
Se tankou fatra y'ap jete nan lari
Sa fèm pa sispan n rele
Ede m' pou m pa mele

M'a rele paske m santi m pra l peri
Nan yon lave kot tout bagay fin deperi
Pèson n pa kon n kote pou y'ale
Kanta pale , men m zwezo depale

Ay m' santi m mare
Kilès ki kademare m 
Yon ti flè kap fleri
Ka fè m sispan n megri

Gade yon peyi
Ki fin pouri
San wete la jenès 
Ak tout bèl negrès

Jan fanm Ayisyèn yo bèl
Ou ta di se lakansyèl
Men na peyan m yo meprize yo. Elas !
Tankou moun fou sou teras

Tout lajounen tout kote se rèl
E men m Mari sa kase kèl
An n sispan n meprize fanm Ayisyèn 
Yo ki pi bèl pase solèy
E men m lè yo nan detrès
Yo bay pi bèl karès

Negrès, ou bèl